نماز اور نماز کے فائدے

[ہلال رضا]

نماز اور نماز کے فائدے

دین اسلام کے پانچ ارکان ہیں۔
1۔ کلمہء توحید کا اقرار یعنی ایمان۔
2۔ نماز
3۔ روزہ
4۔ زکوٰۃ
5۔ حج
دوسرا رکن نماز کا بیان دل لگا کر پڑھیں۔
اللہ تعالٰی نے نماز ہر مسلمان مرد اور عوررت پر فرض کی ہے۔ رسول اللہ نے والدین کو حکم دیا ہے کہ جب بچوں کی عمر سات سال کی ہو جائے تو انہیں نماز پڑھنے کیلئے کہو، اور جب ان کی عمر دس سال ہو جائے تو نماز نہ پڑھنے پر سزا دو۔
اس سے معلوم ہوا کہ ہر مسلمان کیلئے پابندی سے نماز پڑھنا ضروری ہے۔ حدیث شریف میں ہے کہ نماز دین کا ستون ہے، جس نے نماز کو قائم رکھا اُس نے دین کو قائم رکھا، اور جس نے نماز کو ترک کیا اُس نے سارے دین کو ڈھا دیا۔

نماز کے فائدے
1۔ نماز میں پانچوں وقت اللہ کے دربار کی حاضری اور اس کی یاد کا موقع ملتا ہے۔
2۔ اللہ تعالٰی نے قرآن مجید میں بتایا ہے کہ نماز بے حیائی اور بُرائی سے بچاتی ہے۔
3۔ نماز پڑھنے والوں سے اللہ خوش ہوتا ہے اور نماز نہ پڑھنے والوں سے وہ ناراض ہوتا ہے۔
4۔ پانچ وقت نماز پڑھنے سے وقت کی پابندی کا سبق ملتا ہے۔
5۔ نماز کیلئے جسم، کپڑوں اور نماز پڑھنے کی جگہ پاک ہونی ضروری ہے اس لئے نماز پڑھنے سے ہر وقت صفائی اور پاکی کا خیال رہتا ہے۔
6۔ جماعت کے ساتھ نماز پڑھنے سے ایک مسلمان کو دوسرے مسلمان سے ملنے اور ایک دوسرے کے حالات معلوم کرنے کا موقع ملتا ہے۔ آپس میں محبت اور اتحاد پیدا ہوتا ہے۔
7۔ نماز میں امیر، غریب کندھے سے کندھا لگائے کھڑے ہوتے ہیں۔ اس سے برابری کا سبق ملتا ہے۔