حضرت عثمان غنی رضی اللہ عنہ سے بغض کا نتیجہ

[شیرمحمد]

سوال: مفتی صاحب ! میں ایک حدیث شریف کی تحقیق اور اس کا حوالہ چاہتا ہوں، ایک مرتبہ ایک عالم صاحب تقریر کرتے ہوئے ایک حدیث شریف بیان کئے تھے ، حضرت رسول اللہ صلی اللہ علیہ وسلم کے پاس ایک شخص کا جنازہ لایاگیاتھا تو آپ نے اس کی نماز نہیں پڑھی ،درخواست کرنے پر فرمایا کہ یہ شخص عثمان رضی اللہ عنہ سے بغض رکھتا تھا۔میں اس حدیث شریف کا متن اور حوالہ جاننا چاہتا ہوں-

محمد طہ ،ممبی

جواب: آپ نے جس حدیث پاک سے متعلق دریافت کیا ہے وہ حدیث شریف جامع ترمذی شریف ج،ابواب المناقب ،ص212،میں ہے۔
عَنْ جَابِرٍ قَالَ أُتِيَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِجَنَازَةِ رَجُلٍ لِيُصَلِّيَ عَلَيْهِ فَلَمْ يُصَلِّ عَلَيْهِ فَقِيلَ يَا رَسُولَ اللَّهِ مَا رَأَيْنَاكَ تَرَكْتَ الصَّلَاةَ عَلَى أَحَدٍ قَبْلَ هَذَا قَالَ إِنَّهُ كَانَ يُبْغِضُ عُثْمَانَ فَأَبْغَضَهُ اللَّه -

حضرت جابر رضی اللہ عنہ سے روایت ہے ، فرماتے ہیں کہ حضرت رسول اکرم صلی اللہ علیہ وسلم کی خدمت اقدس میں ایک شخص کاجنازہ لایا گیا کہ آپ اس کی نمازجنازہ پڑھائیں توآپ نے اس کی نماز جنازہ نہیں پڑھی ، صحابہ کرام نے عرض کیا:یا رسول اللہ صلی اللہ علیہ وسلم !ہم نے آپ کو اس سے پہلے کسی کی نماز جناز ہ ترک فرما تے ہوئے نہیں دیکھا ،تو حضور اکرم صلی اللہ علیہ وسلم نے ارشاد فرمایا کہ یہ شخص عثمان(رضی اللہ عنہ) سے بغض رکھتا تھا تو اللہ تعالی نے اس کو سخت نا پسند فرمایاہے۔

(جامع ترمذی شریف ج 2،ابواب المناقب ، باب فِى مَنَاقِبِ عُثْمَانَ بْنِ عَفَّانَ رضى الله عنه . ص12، حدیث نمبر: 4074)

واللہ اعلم بالصواب – سیدضیاءالدین عفی عنہ نائب شیخ الفقہ جامعہ نظامیہ ابو الحسنات اسلامک ریسرچ سنٹر ۔ حیدرآباد دکن۔

[صاحبزادہ]

استغفراللہ
الامان والحفیظ

جزاک اللہ خیر انکل آمین

[بنت اعظم رضا]

استغفراللہ
الامان والحفیظ

جزاک اللہ خیر آمین