کتاب الایمان / تکفیر / مسلمان کی تکفیر کا وبال قائل پر ہے

[قادری]

(۲) مسلمان کی تکفیر کا وبال قائل پر ہے

۱۱۷۔ عن عبد اللہ بن عمر رضی اللہ تعالیٰ عنہما قال : قال رسول اللہ صلی اللہ تعالی علیہ وسلم : أیُّمَا اِمْرَئٍ قَا لَ لِاَخِیْہٖ کَافِرٌ فَقَدْ بَائَ بِہَا أحَدَہُمَا اِنْ کَانَ کَمَا قَالَ : وَاِلّا رَجَعَتْ عَلَیْہِ۔

فتاوی رضویہ ۳/۳۰۸

حضرت عبد اللہ بن عمر رضی اللہ تعالیٰ عنہما سے روایت ہے کہ رسول اللہ صلی اللہ تعالی علیہ وسلم نے ارشاد فرمایا: جو شخص کسی کلمہ گو کو کافر کہے تو ان دونوں میں ایک پر یہ بلا ضرور پڑ یگی، اگر جسے کہا وہ حقیقۃ کافر تھا جب تو خیر ورنہ یہ کلمہ اسی کہنے والے پر پڑ یگا ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔
۱۱۷۔ الصحیح لمسلم ، الایمان ، ۱/۵۷
الجامع الصحیح للبخاری، الادب ۲/۹۰۱
المؤطا لمالک، الکلام ،
المسند لاحمد بن حنبل ، ۲/۱۸
الجامع للترمذی، الایمان ، ۲/۸۸
الجامع الصغیر للسیوطی، ۱/۷۵
المسند لابی عوانۃ، ۱/۲۳

[قادری]

۱۱۸۔ عن أبی ہریر ۃ رضی اللہ تعالیٰ عنہ قال : قال رسول اللہ صلی اللہ تعالی علیہ وسلم : اِذَا قَالَ الرَّجُلُ لِاَخِیْہِ یَا کَافِرُ فَقَدْ بَائَ بِہَا أحَدَہُمَا۔


حضرت ابو ہریرہ رضی اللہ تعالیٰ عنہ سے روایت ہے کہ رسول اللہ صلی اللہ تعالی علیہ وسلم نے ارشادفرمایا: جب کوئی شخص اپنے مسلمان بھائی کواو کافر کہے تو ان دونوں میں ایک کی طرف رجوع بیشک ہو ۔

فتاوی رضویہ ۳/۳۰۸

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔
۱۱۸۔ الجامع الصحیح للبخاری ، الاد ب، ۲/ ۹۰۱
الصحیح لمسلم ، الایمان ، ۱/۵۷
الجامع الصغیر للسیوطی ۱/ ۵۴
المسند لابی عوانۃ ، ۱/۲۳

[قادری]

۱۱۹۔ عن أبی ذر الغفاری رضی اللہ تعالیٰ عنہ قال : قال رسول اللہ صلی اللہ تعالی علیہ وسلم : لَیْسَ مَنْ دَعَا رَجُلاً بِالْکُفْرِ اَوْ قَالَ عَدُوَ اللّٰہِ وَلَیْسَ کَذٰلِکَ اِلّاحَارَ عَلَیْہِ اِنْ لَمْ یَکُنْ صَاحِبُہٗ کَذٰلِکَ ۔

حضرت ابو ذر غفاری رضی اللہ تعالیٰ عنہ سے روایت ہے کہ رسول اللہ صلی اللہ تعالی علیہ وسلم نے ارشادفرمایا: جو شخص کسی کو کافر یا دشمن خدا کہے اور وہ ایسا نہ ہو یہ کہنا اسی پر پلٹ آئے ۔ اور کوئی شخص کسی کو فسق یا کفر کا طعن نہ کرے گا مگر یہ کہ وہ اسی پر الٹا پھرے گا اگر جس پر طعن کیا تھا وہ ایسا نہ ہو ۔

فتاوی رضویہ ۳/۳۰۸
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔
۱۱۹۔ الجامع الصحیح للبخاری ، الادب ، ۲/۸۹۳
الصحیح لمسلم ، ، الایمان ، ۱/۵۷

[قادری]

۱۲۰۔ عن أبی سعید الخدری رضی اللہ تعالیٰ عنہ قال : قال رسول اللہ صلی اللہ تعالی علیہ وسلم : مَا أکْفَرَ رَجُلٌ رَجُلًا قَطُّ اِلّابَائَ بِہَا اَحَدَہُمَا اِنْ کَانَ کَافِر ًا وَ اِلّاکُفِّرَ بِتَکْفِیْرِہٖ ۔


حضرت ابو سعید خدری رضی اللہ تعالیٰ عنہ سے روایت ہے کہ رسول اللہ صلی اللہ تعالی علیہ وسلم نے ارشاد فرمایا: کبھی ایسا نہ ہوا کہ ایک شخص دوسرے کی تکفیر کرے اور وہ دونوں اس سے نجات پاجائیں بلکہ ان میں ایک پرضرورگریگی ۔ اگر وہ کافر تھا یہ بچ گیا ورنہ اسے کافر کہنے سے یہ خود کافر ہو گیا ۔

فتاوی رضویہ ۳/۳۰۸

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔
۱۲۰۔ الجامع الصغیر للسیوطی، ۲/۴۷۹
الترغیب و الترہیب للمنذری، ۳/۴۶۴