کتاب الایمان / فرق باطلہ / فرق باطلہ کا ظہور

[قادری]

۸۔ فرق باطلہ
(۱) فرق باطلہ کا ظہور


۱۲۱۔ عن أمیر المؤمنین علی بن ابی طالب کرم اللہ تعالیٰ وجہہ الکریم قال: سمعت رسو ل اللہ صلی اللہ تعالی علیہ وسلم یقول : یَاتِی فِی آخِرِ الزَّمَانِ قَوْمٌ حُدَثَائُ الْاَسْنَا نِ ، سُفَہَائُ الْاَحْلاَمِ ، یَقُولُونَ مِنْ خَیْرِ قَوْلِ الْبَرِیَّۃِ یَمْرُقُونَ مِنَ الْاِسْلَامِ کَمَا یَمْرُقُ السَّہْمُ مِنَ الرَّمِیَّۃِ لاَ یُجَاوِزُ اِیْمَانُہُمْ حَنَاجِرَ ہُمْ، فَأیْنَمَالَقِیْتُمُوہُم ْ فَاقْتُلُوہُمْ ، فَاِنَّ فِی قَتْلِہِمْ اَجْرًا لِمَنْ قَتَلَہُمْ یَوْمَ الْقِیَامَۃِ ۔


امیر المؤمنین حضرت علی ابن ابی طالب رضی اللہ تعالیٰ عنہ سے روایت ہے کہ میں نے رسول اللہ صلی اللہ تعالی علیہ وسلم کو فرماتے سنا : آخر زمانے میں کچھ لوگ حدیث السن ، سفیہ العقل لوگ آئیں گے کہ اپنے زعم میں قرآن و حدیث سے سند پکڑ یں گے ، اسلام سے ایسے نکل جائیں گے جیسے تیر نشانہ سے نکل جاتا ہے ، ایمان انکے گلوں سے نیچے نہیں اتریگا ۔تو وہ جہاں ملیں قتل کرو کہ قیامت تک جو بھی انکو قتل کریگا اجر پائے گا ۔

فتاوی رضویہ ۳/۲۸۸

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔
۱۲۱۔ الجامع الصحیح للبخاری ، المناقب ، ۱/۵۱۰
السن الکبری للبیہقی، ۸/۱۸۷

[قادری]

۱۲۲۔ عن أبی سعید الخدری رضی اللہ تعالیٰ عنہ قال : بینما نحن عندرسول اللہ صلی اللہ تعالی علیہ وسلم وہو یقسم قسما أتاہ ذوالخو یصرۃ و ہو رجل من بنی تمیم فقال : یا رسول اللہ ! اعدل ، فقا ل: وَ یْلَکَ وَ مَنْ یَّعْدِ لُ اِذَا لَمْ اَعْدِلْ ، قَدْ خِبْتَ وَ خَسِرْتَ اِنْ لَمْ اَکُنْ اَعْدِ لْ ، فَقَالَ عُمَرُ : یَا رَسُو لَ اللّٰہِ! اِئْذَنْ لِی فِیْہِ فَأضْرِبُ عُنُقَہٗ ، فَقَالَ لہٗ : دَعہٗ، فَاِنَّ لہٗ أصْحَابًا یُحَقِّرُأحَدُکُمْ صَلاَتَہٗ مَعَ صَلاَتِہِمْ وَ صِیَامَہٗ مَعَ صِیَامِھِمْ، یَقْرَؤنَ الْقُرْآنَ لاَ یُجَاوِزُ تَرَاقِیْہُمْ، یَمْرُقُوْنَ مِنَ الدِّیْنِ کَمَا یَمْرُقْ السَّہْمِ مِنَ الرَّمِیَّۃِ ، یُنْظَرُ اِلیٰ نَصْلِہٖ فَلاَ یُوجَدُ فِیْہِ شَیٌٔ ، ثُمَّ یُنْظَرُ اِلیٰ رَصَافِہِ
فَلَا یُوجَدُ فِیْہٖ شَیٌٔ ، ثُمَّ یُنْظَرُ اِلیٰ نَضِیِّہٖ وَ ہُوَ قِدْ حُہٗ فَلاَ یُوْجِدُ فِیْہٖ شَیٌٔ ، ثُمَّ یَنْظُرُ اِلیٰ قَذَذِہٖ فَلاَ یُوجَدُ فِیْہٖ شَیٌٔ، قَدْ سَبَقَ الْفَرْثَ وَ الدَّمَ، آیِتْہِمْ رَجُلٌ اَسْوَدُ اِحْدٰی عَضُدَ یْہٖ مِثْلُ ثَدْیِ الْمَرأۃِ اَوْ مِثْلُ الْبِضْعَۃِ تُدَرْدِرُ ، وَ یَخْرُجُونَ عَلیٰ حِیْنِ فِرْقَۃٍ مِنَ النَّاسِ ، قَالَ أبُو سَعِیْدٍ : فَاُشْہِدُ اَنِّی سَمِعْتُ ہٰذا الْحَدِیْثَ مِنْ رَسُولِ اللّٰہِ صَلَّی اللّٰہُ تَعَالیٰ عَلَیْہِ وَسَلَّمَ وَ اُشْہِدُ اَنّ عَلِیَّ بْنَ أبِی طَالِبٍ قَاتَلَہُمْ وَ اَنَا مَعَہٗ فَامَرَ بِذٰلِکَ الرُّجُلِ فَالْتُمِسَ فَأتِیَ بہٖ حَتّی نَظَرْتُ اِلَیْہِ عَلیٰ نَعْتِ النَّبِیِّ صَلَّی اللّٰہُ تَعَالیٰ عَلَیْہِ وَسَلَّمَ ألَّذِیْ نَعَتَہُ ۔


حضرت ابو سعید خدری رضی اللہ تعالیٰ عنہ سے روایت ہے کہ ہم ایک مرتبہ حضور سید عالم صلی اللہ تعالی علیہ وسلم کی خدمت اقدس میں حاضر تھے اور سرکار مال غنیمت تقسیم فرما رہے تھے کہ بنو تمیم کا ایک شخص ذو الخو یصرہ نامی حاضر ہوا اور آتے ہی بولا: اے اللہ کے رسول !انصاف کیجئے ، سرکار نے ارشاد فرمایا : خرابی ہو تیرے لئے اگر میں انصاف نہیں کرونگاتو کون کریگا ۔ حضرت عمر فاروق اعظم رضی اللہ تعالیٰ عنہ نے عرض کیا :یا رسول اللہ !مجھے اجازت مرحمت فرمائیں کہ میں اسکی گردن ما ر دوں ۔ حضور نے ارشاد فرمایا :چھوڑ دو کہ ا سکے کچھ ساتھی ہونے والے ہیں جنکی نمازوں کے مقابلے میں تم اپنی نمازیں ہیچ جانو گے ، انکے روزوں کے مقابلہ میں اپنے روزوں کو حقیر سمجھو گے ، قرآن کریم پڑ ھیں گے لیکن انکے حلق کے نیچے نہیں اتریگا ، دین سے ایسے نکل جائیں گے جیسے تیر نشانہ کو پار کر کے نکل جاتا ہے ، جب تیر کے پھل کو دیکھا جاتا ہے تو اس پر کوئی بھی اثر نہیں ہوتا ، پھر ا سکے پر کو دیکھا جاتا ہے تو اس پر بھی کوئی علامت نہیں ہوتی، شکار کے گوبر اور خون سے تیر کا کوئی حصہ آلودہ نہیں ہوتا ۔ (یعنی نہایت تیزی سے تیر صاف نکل جاتا ہے اسی طرح یہ لوگ بھی دین سے صاف نکل جائیں گے )انکی نشانی یہ ہو گی کہ ان میں سے ایک شخص سیاہ رنگ کا ہو گا جس کے ایک بازو پر عورت کے پستان کی طرح غدود ہو گا جو چلنے کی حالت میں ہلتا ہو گا ، ان لوگوں کا خروج اس وقت ہو گا جب لوگوں میں اختلاف و افتراق ہو گا ۔ حضرت ابو سعید خدری رضی اللہ تعالیٰ عنہ فرماتے ہیں : کہ میں اس بات کی گواہی دیتا ہوں کہ میں نے حضور سے یہ حدیث سنی ، اور اس بات کی بھی گواہی دیتا ہوں کہ حضرت مولی علی کرم اللہ تعالی وجہہ الکریم نے ان سے قتال فرمایا ا ور میں انکے ساتھ تھا ۔ حضرت علی نے اس آدمی کو تلاش کرنے کا حکم دیا، جب لایا گیا تو اس میں وہ تمام نشانیاں موجود تھیں جو حضور سید عالم صلی اللہ تعالی علیہ وسلم نے بیان فرمائی تھیں ۔ ۱۲م


۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔
۱۲۲۔ الجامع الصحیح للبخاری، ، ۱/۵۱۰
الصحیح للمسلم ، ۱/۳۴۱

[قادری]

]۱[ امام احمد رضا محدث بریلوی قدس سرہ فرماتے ہیں


ہاں واقعی یہ لوگ وہابیہ نجدیہ دیوبندیہ وغیرمقلدین ان پرانے خوارج کے ٹھیک ٹھیک بقیہ و یادگار ہیں ۔ وہی مسئلے ، وہی دعوے ، وہی انداز ، وہی وطیرے ۔خارجیوں کا داب تھا کہ اپنا ظاہر اس قدرمتشرع بناتے کہ عوام مسلمین انہیں نہایت پابند شرع جانتے ۔ پھر بات بات پر عمل بالقرآ ن کا دعوی ، عجب دام در سبزہ تھا ، اور مسلک وہی کہ ہم مسلمان ہیں باقی سب مشرک ۔
یہ ہی رنگ ان حضرات کے ہیں ، آپ موحد اور سب مشرکین ، آپ محمدی اور سب بددین ، آپ عامل بالقرآن و الحدیث اور سب چنیں و چناں بزم خبیث ۔پھر انکے اکثر مکلبین ظاہری پابند شرع میں بھی خوارج سے کیاکم ہیں ۔ اہل سنت کا ن کھول کر سن لیں کہ دھوکے کی ٹٹی میں شکار نہ ہوجائیں ۔
پھر شان خدا کہ ان مذہبی باتوں میں خارجیوں کے قدم بقدم ہونا درکنار خارجی بالائی باتوں میں بھی بالکل یک رنگی ہے ۔ انہیں ابو سعید خدری رضی اللہ تعالیٰ عنہ کی حدیث میں ہے ۔

[قادری]

۱۲۳ ۔ عن أبی سعید الخدری رضی اللہ تعالیٰ عنہ عن النبی صلی اللہ تعالی علیہ وسلم قال : یَخْرُجُ نَاسٌ مِنْ قِبَلِ الْمَشْرِقِ وَ یَقْرَؤنَ الْقُرْآنَ، لَا یُجَاوِزُ تَرَاقِیْہِمْ ، یَمْرُقْوْنَ مِنَ الدِّیْنِ کَمَا یَمْرُقْ السَّہْمُ مِنَ الرَّمِیَّۃِ ، ثُمَّ لاَ یَعُوْدُ وْنَ فِیْہِ حَتّی یَعُوْدَ السَّہْمُ اِلیٰ فُوْقِہٖ ، قِیْلَ : مَا سِیْمَا ہُمْ؟ قَالَ: سِیْمَاہُمُ التّحْلِیْقُ اَوْ قَالَ : التَّسْبِیْدُ۔


حضرت ابو سعید خدری رضی اللہ تعالیٰ عنہ سے روایت ہے کہ رسول اللہ صلی اللہ تعالی علیہ وسلم نے ارشاد فرمایا: مشرق سے کچھ لوگ نمودار ہونگے ، قرآن کثرت سے پڑ ھیں گے لیکن انکے حلق سے نیچے نہیں اتریگا، دین سے ایسے نکل جائیں گے جیسے تیر نشانہ کو پار کر کے نکل جاتا ہے ، پھر دین میں لوٹ کر واپس نہیں آئیں گے جب تک تیر لوٹ کر اپنے چلے پر نہ آجائے ۔عرض کیا گیا: انکی علامت کیا ہو گی؟ فرمایا: سر منڈانا ، یا سر منڈائے رکھنا ۔ ۱۲م

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔
۱۲۳۔ الجامع الصحیح للبخاری ، کتاب الرد علی الجہیمۃ ، ۲/۱۱۲۸

[قادری]

]۲[ امام احمد رضا محدث بریلوی قدس سرہ فرماتے ہیں

بعض احادیث میں یہ بھی آیا کہ حضور اقدس صلی اللہ تعالی علیہ وسلم نے ان کا پتہ
بتایا۔ مشمری الازار ، گھٹنی ازار والے ۔ بے شمار درودیں حضور عالم ما کان و ما یکون پر صلی اللہ تعالی علیہ وسلم۔ بالجملہ یہ حضرات خوارج نہروان کے رشید پس ماندے ، بلکہ غلو و بیباکی میں ان سے بھی آگے ۔

فتاوی رضویہ ۳/۲۸۸